2025 жылы қанша бала Ұлттық қордан ақша алады? Осы тақырып аясында BAQ.KZ тілшісі Бірыңғай жинақтаушы зейнетақы қорына арнайы сауал жіберген еді.
«Ұлттық қор – балаларға» бағдарламасы бойынша 2024 жылдың 1 ақпанынан бастап 2025 жылдың 1 наурызына дейін 18 жасқа толған балалардың 75 329-ы өз қаражатын пайдалануға өтініш берген, — делінген жауапта.
Олар жалпы 8 миллион АҚШ долларынан астам қаржыны шешіп алды. Оның ішінде:
43 781 бала – 4,65 миллион долларды тұрғын үй жағдайын жақсарту үшін пайдаланды.
31 548 бала – 3,35 миллион долларды білім алу ақысын төлеуге жұмсады.
2025 жылы барлығы 324 430 бала 18 жасқа толады, яғни олар да осы бағдарламаға қатысу мүмкіндігіне ие болады. Жалпы, бағдарлама аясында 2025 жылы 6 921 035 балаға қаражат есептеледі. Әр балаға 129 доллар 38 цент бөлінеді, — дейді зейнетақы қоры.
Бұған дейін хабарлағанымыздай, қаңтарда Зейнетақы қорының инвестициялық кірісі төмендеген еді. Сарапшылар зейнетақы қорындағы инвестициялық кірістің көбеюіне де, азаюына да әсерін тигізетін бірнеше факторды атады.
https://baq.kz/amp/news/othernews/ulttyq-qor-balalarga-kimder-esepshottagy-aqshasyn-sheship-zhatyr-200010003/?fbclid=IwY2xjawJH6TlleHRuA2FlbQIxMQABHeYcmg5Oxq4rR-_40wIBWWZD9xnqyP9hQQW5lCgNXxUpZwv8yS71tiomtw_aem_A1Ioqv6GgWiLHffVkkLeFA
