Мерекелік шаралар барысында салт-дәстүр қойылымдары, ертегі кейіпкерлері, театрландырылған көріністер мен ұлттық ойындар мейрам көркін аша түсті.




– Әз Наурыз – жаңашылдық пен жасампаз рухтың жаршысы. Осы күндері Жер-ана қайта түлеп, тіршілік атаулы түгел жанданады.
Тағылымы мол бұл мереке – жаңару мен жаңғырудың, адам мен табиғат арасындағы үндестіктің, келісім мен татулықтың алтын арқауы.
Халқымыз қашанда жыл басын ізгі ниетпен, үкілі үмітпен, ақжарма тілекпен қарсы алады.

Ежелден жаңару мен жасампаздықтың бастауы, ырыс пен берекенің арқауы болған әз Наурыз қажырлы еңбектеріңізге толағай табыс әкелсін.
Еліміздегі тұрақтылық тұғыры бекемделіп, бақ-берекеміз арта берсін! Ұлыс оң болсын, ақ мол болсын, ағайын! – деді Бақытжан Әмірбекұлы.

Әз Наурыз «Хамукат» тұрғын алқабында осылай әдемі кешпен әрленді.

Осы күні аумақтағы жасы үлкен қарияларға сый-сияпат жасалды.

