«Мақсатымызға жетсек екен деп талайды алдадық»: Нұрлан Имам жолы болмай жүргендер туралы

Нұрлан Байжігітұлы әлеуметтік желідегі жеке парақшасында жолы болмай жүргендерге ақыл айтты.

«Қарымыз көбейіп, жұмысым жүрмей қалды. Не істеймін» дейсіз бе? Талдайсыз. Біз талдамай алдап кеттік. Сол үшін қарызымыз көбейіп кетті. Проблемамыз, уайымымыз, қайғымыз асып кетті. Өйткені біз талдамадық. Әйтеуір мақсатымызға жетсек екен деп талайды алдадық. Сондықтан талдаңыз, ісіңізді талдаңыз, саралаңыз, не істедіңіз, не қойдыңыз. Біреудің ақысына кірдіңіз бе, біреудің дүниесін тартып алдыңыз ба, әке-шешенің, ата-ананың қарғысын алдыңыз ба, неге біреуіңіз екеу болмай жатыр, ойланыңыз», – дейді имам.

«Бір ғұламаға екі бауыр келіпті. «Қарызымыз көбейді. Жұмыс істесек те біреуіміз екеуі болмай жатыр, екеуіміз біреу болмай жатыр, жұмысымыз алға баспайды» деп үлкен ғұламаның алдына келіпті.  Ғұлама «Екеуің бауырсыңдар ма?» депті. «Иә, бауырмыз», «Орталарың қалай?» десе, біреу «Ортамыз нашар, мынау мені көре алмайды, мен оны көре алмаймын, ұрысамыз да жатамыз» депті. Сонда ғұлама «Екеуің біреу болмай жаитқанда қалай біреуің екеу боласыңдар» депті. Жауабы да осы жерде», – дейді имам.