Маңғыстаулықтар әлемдік Гиннесс рекордын орнатты

Лондондағы Гиннесс рекордтар кітабының штаб-пәтерінен арнайы келген өкіл рекордтың ресми тіркелгенін растады және тиісті сертификатты табыстады.

Облыс әкімі Нұрдәулет Қилыбай маңғыстаулықтарды айтулы жетістікпен құттықтап, олардың патриотизмі мен ауызбіршілігін ерекше атап өтті.

“Құрметті маңғыстаулықтар, қазақстандықтар! Біз 10 күннен бері Наурыз мейрамын тойлап жатырмыз. Бүгін, осы мереке аясында жаңа рекорд орнаттық. Ауа райының қолайсыздығына қарамастан, сіздер бірлік пен рухтың мықтылығын дәлелдедіңіздер. Рекорд құтты болсын! Дәстүр мен ата-баба мұрасын көрем десеңіздер, Қазақстанға келіңіздер. Ал нағыз қазақтың рухын сезіну үшін Маңғыстауға келіңіздер!” – деді аймақ басшысы.

Бұл оқиға Маңғыстау жұртшылығының ұлттық құндылықтарды дәріптеудегі ерекше үлесін көрсетіп, қазақ мәдениетінің әлемдік деңгейде танылуына жол ашты.

фото: otpannews.kz

https://turkystan.kz/article/257592-mang-ystaulyktar-lemdik-ginness-rekordyn-ornatty