Қасым-Жомарт Тоқаев Шыңғыс Әріновтің есебін тыңдап, ведомствоның атқарған жұмысы мен жүргізілген реформалары туралы ақпарат алды.
2024 жылы ел аумағында 14 жаңа өрт сөндіру депосы ашылған.
Құтқарушылардың жаңа арнайы киім үлгісі бекітілген, әуе кемелері сатып алынған және елді мекендердегі қауіпсіздікті күшейту мақсатында «Ауыл құтқарушылары» бағдарламасы іске қосылған.
Президентке су тасқыны қаупіне қатысты ахуал жөнінде де мәлімет берілді. Министрдің айтуынша, жағдай тұрақты, сегіз өңірдегі жағдай бақылауда. Ресей және Қырғызстанмен деректер алмасу жұмыстары тұрақты жүргізіліп келеді.
Мемлекет басшысы су тасқынына қарсы шараларға баса назар аудару, алдын ала ескерту жүйесін жаңғырту және төтенше жағдайдың салдарын жою бойынша бұған дейін берілген тапсырмалардың орындалуын жалғастыру жөнінде міндет жүктеді.
фото: Aqorda
https://turkystan.kz/article/257522-memleket-basshysy-totenshe-zhagdailar-ministrin-kabyldady
