2026 жылғы 1-10 мамыр аралығында Жамбыл облысы бойынша ҚАЖ департаментіне қарасты №67 мекемесінде шаруашылық жасағына қалдырылған сотталғандар арасында мерекелік тәрбиелік іс-шаралар өткізілді.
Іс-шаралардың негізгі мақсаты – сотталғандардың құқықтық санасын қалыптастыру, салауатты өмір салтын насихаттау, тәртіп пен ұйымшылдықты нығайту, сондай-ақ олардың қоғамға бейімделуіне оң ықпал ету болды.
Мерекелік іс-шара аясында сотталғандар арасында түрлі спорттық жарыстар ұйымдастырылып, белсенді қатысушылар өзара бақ сынасты. Атап айтқанда, үстел теннисі, шахмат және командалық спорттық ойындар өткізіліп, қатысушыларға көтеріңкі көңіл-күй сыйлады.
Сонымен қатар, тәрбиелік бағыттағы әңгімелер жүргізіліп, мәдени-көпшілік шаралар ұйымдастырылды. Іс-шара барысында мекеме әкімшілігі тарапынан тәртібімен, қоғамдық жұмыстарға белсенді қатысуымен және еңбекке жауапкершілікпен қараған 4 сотталған марапатталды.
Мекеме қызметкерлері мұндай тәрбиелік және спорттық іс-шаралар алдағы уақытта да тұрақты түрде өткізілетінін атап өтті. Аталған жұмыстар сотталғандарды тәртіпке, салауатты өмір салтына және заң талаптарын құрметтеуге тәрбиелеуге бағытталған.
