2025 жылдың 27 сәуірінде Жамбыл облысы әкімдігінің қолдауымен Талас ауданының орталығы Қаратау қаласында қазақ күресінен 2008-2009 жылы туған жасөспірімдер арасында «Қолбасшы Қойгелді» атындағы ІІІ республикалық турнирі өткізілді.
Турнирді Жамбыл облысы әкімінің орынбасары Серік Сәлемов ашып берді.
Аталған дүбірлі додаға еліміздің 11 өңірінен 393 спортшы қатысты.
Турнирдің мақсаты – жастар арасында ұлттық спортты дамыту және жас балуандардың шеберлігін шыңдау. Бұл Қазақстан жастарының ұлттық спортқа деген қызығушылығы мен құрметінің айқын көрінісі. Турнир аясында жастардың тек спорттық бәсекеге ғана емес, ел рухын асқақтатып, ұлттық құндылықтарды дәріптеуге бағытталған маңғызды іс-шара екендігін көрсетті.
Айта кесек, бұл турнир 2022 жылы облыстық деңгейде басталып, 2023 жылдан бері республикалық мәртебеге ие болды.
Турнир 3 күнге жалғасып, жеңімпадар арнайы медальдармен және бағалы сыйлықтармен марапатталды.
