сурет: science.mail.ru
«Онегин» операциясы: науқас Пушкинді оқып жатқанда миынан ісік алынды: 24 наурыз 2026, жаңалықтар Turkystan.kz
Ресейдің Красноярск қаласындағы облыстық клиникалық ауруханада дәрігерлер сирек кездесетін операция жасап, науқастың миындағы ісікті алып тастады, деп хабарлайды turkystan.kz science.mail.ru-ға сілтеме жасап.
29 жастағы пациент ұзақ уақыт бойы симптоматикалық фокальды эпилепсиямен есепте тұрған. Дәрі-дәрмекпен ем нәтиже бермеген соң, мамандар ота жасауды ұйғарған.
Дәрігерлер краниотомияны «ояу күйде» жүргізу әдісін қолданды: алдымен науқасқа наркоз беріліп, бас сүйегі ашылды, кейін оны оятып, сол күйде операция жалғасты. Мұндай тәсіл мидағы маңызды орталықтарды, әсіресе сөйлеу қабілетін сақтап қалуға мүмкіндік береді.
Ісік сол жақ самай бөлігінде, сөйлеуге жауапты аймаққа жақын орналасқан. Сондықтан хирургтар үшін негізгі міндет зақымданған бөлікті алып тастап, тіл орталықтарына зиян келтірмеу болды.
Операция барысында кітапты науқасқа дауыстап оқу тапсырылды. Ол Евгений Онегин шығармасынан үзінді таңдаған. Пациент мәтінді оқып отырған кезде дәрігерлер мидағы сөйлеу орталықтарының белсенділігін бақылап, ісікті дәл әрі қауіпсіз алып тастаған.
Нәтижесінде науқастың сөйлеу қабілеті толық сақталып, эпилепсия тудыратын ошақ жойылды. Қазіргі уақытта ол ауруханадан шығарылған, ал бір жылдан кейін операцияның ұзақ мерзімді нәтижесі бағаланады.
Толық нұсқасына гиперсілтеме беруді ұмытпаңыз: https://turkystan.kz/article/278605-onegin-operaciiasy-nauqas-puskindi-oqyp-zatqanda-miynan-isik-alyndy
