Мемлекет басшысы Қасым-Жомарт Тоқаев әр Жолдауда ашықтық туралы нақты айтып келеді. «AMANAT» партиясы Сарысу аудандық филиалы мақсат міндеттемелер мен алдағы айқын жоспарларды жүзеге асыруда түрлі шараларды атқарып келеді.
Бүгін ауданымызға ҚР Парламенті Мәжілісінің депутаты Гүлдара Нұрым ауданымызға іссапармен келді. Қадірменді мейманды аудан әкімінің орынбасары Нұрлан Молдабеков, «AMANAT» партиясы аудандық филиалының төрағасы Мұратбек Есмұрзаев, Жамбыл облыстық мәслихатының депутаты Айтбала Жолмаханова мен аудандық орталық аурухананың бас дәрігері Айнұр Каликова күтіп алды.
Алдымен Парламент Мәжілісінің депутаты Досбол ауылдық амбулаторияның жұмысымен танысты. 2010 жылы пайдаланылуға берілген медициналық пункт күрделі жөндеуді қажет етеді. Сондай-ақ, медициналық пунктке жедел жәрдем көлігі қажет. Сонымен қатар, ауылда дәрігер тапшылығы да бар. Аталмыш мәселелерді тыңдаған Гүлдара Алданышқызы тиісті шараларды атқаратынын жеткізді. Сонымен қатар, Досбол ауылдық клуб үйінің тыныс — тіршілігін бақылады. Ауылдық клуб үйінде 1меңгеруші, 1 қарауыл, 1 от жағушы, 1 еден жуушы жұмыс жасайды. Клубтың негізгі бағыты мәдени филологиялық, қосымша ән, көркемсөз үйірмелерін өткізу. 2025 жылы 35 мәдени іс-шаралар өткізіліп, 2600 адам қамтылды. Клуб үйіне 2025 жылы күрделі жөндеу жұмыстары жүргізілді.
Гүлдара Нұрымның сапары Тоғызкент ауылдық округінде жалғасты. Сапар барысында «Жанна» балабақшасында болып, балабақшаның ішін аралады. Аталмыш орында 9 педагог, 5 тәрбиеші, 1 меңгеруші, 1 психолог және 1 әдіскер жұмыс жасайды. 2014 жылы пайдаланылуға берілген балабақша күрделі жөндеуді қажет етеді. Парламент Мәжілісінің депутаты бұл мәселені де реттеуге ықпал ететінін айтты.
Сонымен қатар, № 29 балалар — жасөспірімдер спорт мектебінің жұмысымен танысып, бірқатар мәселелерді тыңдады. Бүгінде спорт мектебінде 378 спортшы спорттың 7 түрімен шұғылданады. 2025 жылы – ҚР чемпионаты — 3 жүлдегер, облыс чемпионатында 9 жүлдегер сайыстарда топ жарды. Ғимарат күрделі жөндеуді қажет етеді, спорт зал керек және ғимаратты газбен жылыту мәселесі де өзекті болып отыр.
Гүлдара Алданышқызы тұрғындардың тілегін тыңдау мақсатында ауылдық клуб үйінде азаматтарды жеке мәселелерімен қабылдады. Қабылдауға келген тұрғындар ауыз су мәселесі, Әбілда ауылындағы жол мәселесі мен әкімшілік ғимаратының ескіргендігі және күрделі жөндеуді қажет ететіндігі туралы айтты. Тұрғындардың тілегін тыңдаған Мәжіліс депутаты Заң аясында жауап беріп, жауапты басшыларға тиісті тапсырмаларды жүктеді.
Сарысу ауданы
