Бүгін Шу аудандық Жастар ресурстық орталығы КММ-нің ұйымдастырумен Әулиеата жастары өңірлік бағдарламасын іске асыру мақсатында ұлттық нақыштағы ойын түрлерінен жарыс өтті.
Жамбыл облысында жастар саясатын жүзеге асыру мақсатында кең көлемде қызмет атқарып жүрген әр аудандарындағы Жастар ресурстық орталықтарының қызметкерлері арасында өткен «Салт-дәстүрім — таусылмайтын байлығым» атты ұлттық нақыштағы ойын түрлерінен жарыс жалауын желбіретті.
Аталған шарада 9 команда бақ сынап өз ара кім мықтыны анықтады. Шара барысында Шу ауданы әкімінің орынбасары Жақсыбаев Нұрлан Сегізбайұлы және Жамбыл облыстық «Жастар ресурстық орталығы» КММ-нің директоры Әбдуалева Арайлым Әділбекқызы сөз сөйлеп, командаларға сәттілік тіледі.
Жастар ресурстық орталықтары қызметкерлерінің жігіттері ат ерттеу, аударыспақ, арқан тартыс, жаяу тартыс сынды ойын түрлерінен кім мықтыны анықтады, ал аруларымыз қамыр жайып бауырсақ пісіріп ептіліктерін көрсетті және жаяу тартыста да бақ сынады, сондай-ақ топ болып халық әнін орындау бойынша өз өнерлерін ортаға салды.
Жарыс нәтижелері бойыншаСарысу ауданы — І орынды иеленсе, ІІ орынды — Жамбыл ауданына бұйырды және жүлделі ІІІ орынды Шу ауданы иеленіп жеңімпаздарға Шу аудандық Жастар ресурстық орталығы КММ-нің тарапынан арнайы дипломдар мен бағалы сыйлықтар табыс етілді.
