Ағымдағы жылдың 10 маусымында Жамбыл облыстық терроризмге қарсы күрес жөніндегі жедел штабымен Тараз қаласында «Дабыл-Антитеррор-2025» оқу-жаттығуы өткізілуде.
«Терроризмге қарсы іс-қимыл туралы» 1999 жылғы 13 шілдедегі Қазақстан Республикасы Заңының 12-бабының және 13-1-бабы 3-тармағының 1) тармақшасының негізінде терроризм актілерінің жолын кесу мақсатында шартты терроризмге қарсы операцияны жүргізудің басталғаны туралы жарияланды.
Жаттығулар әртүрлі қиындық элементтері бар жауынгерлік жағдайларға барынша жақын.
Аталған оқу-жаттығулар Тараз қаласындағы «Әулие-Ата» халықаралық әуежайында, Әуежай көшесі, 4/12 мекенжайы бойынша өткізілуде.
Азаматтардан дүрбелеңге түспеуді және тек ресми ақпарат көздеріне сенуді сұраймыз.
Жамбыл облыстық терроризмге қарсы күрес жөніндегі жедел штабы
