https://turkystan.kz/article/261805-qyzylordada-9-synyp-oqusysy-oli-kuiinde-tabyldy
Әлеуметтік желілерде Қызылордада кәмелетке толмаған баланың мәйіті табылды деген ақпарат тарады, деп хабарлайды turkystan.kz.
Жасөспірімнің денесі мектеп аумағынан табылды деген ақпарат пайда болған. Алайда Қызылорда қаласының Білім бөлімі бұл ақпаратты жоққа шығарды. Әкімдіктің мәліметінше, оқиға мектеп аумағында болмаған.
«28 мамыр күні таңғы сағат 06:20 шамасында А. Муслимов атындағы №101 мектеп-лицейінің 9-сынып оқушысы өз ауласында өз-өзіне қол жұмсады. Қазіргі уақытта құқық қорғау органдары оқиғаның мән-жайын анықтау үшін тергеу жұмыстарын жүргізіп жатыр», – деп хабарлады қалалық білім бөлімі.
Әкімдік әлеуметтік желі қолданушыларынан жалған ақпарат таратпауды сұрайды.
