Жамбылда 5,1 млрд теңгеге 711 жоба қаржыландырылды

Жамбыл облысында «Ауыл аманаты» бағдарламасы шеңберінде қайтарылған қаражат есебінен жалпы құны 5,1 млрд теңгені құрайтын 711 жоба жеңілдетілген несиемен қаржыландырылды. Бағдарламаның негізгі мақсаты – ауыл тұрғындарының табысын арттыру және жеке кәсіпкерлікпен айналысуына мүмкіндік беру.

Несиеге ие болған жобалардың ішінде 240-ы мал шаруашылығын дамытуға бағытталса, 33 жоба жылыжай кешендерін салуға жұмсалды. Ал қалған 438 жоба ауыл тұрғындарының түрлі бизнес бастамаларын жүзеге асыруға қолдау ретінде берілді.