Жамбыл облысында жедел жәрдем фельдшерлері клиникалық өлім жағдайындағы жаңа туған шақалақты аман алып қалды,, деп хабарлайды shanyraqinfo. агенттігі Qaz365.kz сайтына сілтеме жасап.
Оқиға 22:18-де Тараз қаласындағы 2-шағынауданда тіркелді. Жамбыл облыстық жедел медициналық жәрдем станциясының №2 бригадасының фельдшерлері Мади Жаналиев пен Бейбарыс Таласбайұлы 20 жастағы жүкті әйелге шақырту алған. Науқас жүктіліктің 23–24 аптасында болған, ішінің қатты ауырсынуына шағымданған.
Бригада оқиға орнына 6 минутта жетіп, алғашқы медициналық көмек көрсеткен. «Мерзімінен бұрын босану» диагнозымен әйелді шұғыл түрде ауруханаға жеткізу кезінде босану процесі жедел жәрдем көлігінде басталып, фельдшерлер сәбиді жол үстінде қабылдап алған.
Алайда 22:45-те жаңа туған нәрестеде клиникалық өлім белгілері тіркеліп, шұғыл жүрек-өкпе реанимациясы жүргізілді. Бір минуттан кейін, 22:46-да сәбидің тыныс алуы мен жүрек соғысы қайта қалпына келген.
Анасы мен нәресте облыстық перинаталдық орталықтың дәрігерлеріне тапсырылды. Қазіргі уақытта екеуінің де жағдайы мамандардың тұрақты бақылауында.
Толық нұсқасына гиперсілтеме беруді ұмытпаңыз: https://turkystan.kz/article/272882-zambyldyq-feldser-zuregi-toqtap-qalgan-naresteni-aman-alyp-qaldy?fbclid=IwY2xjawOtK5hleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEe1Shw5QvokXQWse96e00ENH2BWRUtD8Kn50HZW0oiMIEuAkoRtrSGWkGbT6U_aem_WVKFlstjfgKA5lP3k3zODg
