«AMANAT» партиясы Жамбыл облыстық филиалы жанындағы жастарды қолдау жөніндегі аймақтық кеңестің 2025 жылдың бірінші отырысы өтті.
Отырыстық күн тәртібінде Жастар саясаты саласындағы мемлекеттік бағдарламалармен жастардың қамтылуы туралы, NEET санатындағы жастардың үлесін азайту мәселесі, жастар жұмыссыздығының көрсеткіштерін қысқарту мәселелері қаралды.
Кеңес отырысында жауапты мекемелер аймақта жүзеге асып жатқан жобалар мен жұмыстарды баяндап, ұсыныстар айтты.
1. NEET санатындағы жастардың үлесін азайту
NEET санатындағы жастардың саны қоғам үшін үлкен алаңдаушылық тудырады. Кеңес барысында NEET жастарды қоғамға бейімдеу, олардың еңбек нарығына интеграциялануына көмек көрсету мәселесі сөз болды. Оларды қолдау үшін арнайы жобалар мен бағдарламалар ұсынылып, олардың жұмысқа орналасуына жағдай жасауға бағытталған нақты қадамдар талқыланды.
2. Жастардың жұмыссыздығының көрсеткіштерін қысқарту
Жастардың жұмыссыздығы — жастар саясатының ең маңызды мәселелерінің бірі. Бұл мәселеге қатысты кеңес отырысында жастардың жұмыс табуға, өз кәсіптерін ашуға және тәуелсіз болуға деген мүмкіндіктері талқыланды.
Жиынға Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасының «Еңбек мобильділігі орталығы» КММ-нің директорының орынбасары Атин Аділхайыр Серікжанұлы, Жамбыл облысы әкімдігінің ақпарат және қоғамдық даму басқармасының «Жастар ресурстық орталығы» КММ-нің директоры Кадралиев Айбек Амансейтұлы қатысты.
Бұл отырыс жастардың ел дамуындағы маңызды рөлін түсінуге, олардың әлеуетін барынша жүзеге асыруға бағытталған үлкен қадам болды. Жастарға арналған мемлекеттік қолдау шаралары мен бағдарламалар жастарды дамытуға, олардың толыққанды азамат ретінде қалыптасуына ықпал етеді.
