Шу ауданы бойынша ауыл шаруашылығы мақсатындағы жерлерді зерделеу барысында бүгінгі күнге 130 шаруа қожалықтары бойынша жалпы 25 398 гектар жер игерілмей жатқаны анықталған.
Аудан аумағында мемлекет меншігіне қайтару бойынша ағымдағы жылы жалпы 10 828 гектар, жалпы кадастрлық құны-112 млн. теңге құрайтын пайдаланусыз жатқан жер учаскелері мемлекет меншігіне қайтарылды.
Игерілмей жатқан жер учаскелерін қайтару мақсатында қазіргі уақытта ауыл шаруашылығы мақсатындағы «Smart agro Karkara» ЖШС жалпы алаңы 6 917 гектар жерін мемлекет меншігіне қайтару туралы аудандық жер қатынастар тарпынан экономикалық сотқа талап арыз берілуде. Бұдан бөлек, ағымдағы жылы аудандағы жерлердің пайдалануына бақылау жүргізетін мемлекеттік инспектормен жалпы 868 гектар 14 жер учаскесінің иелеріне жерді пайдаланбағаны үшін әкімшілік құқық бұзушылық іс қозғалып, салық он есеге көтерілген және бір жыл мерзімге нұсқама берілген. Сондай ақ ағымдағы жылы аудан аумағында ҚР Жер кодексінің 14-1-бабының 3-тармағының 1)- тармақшасына сәйкес жер пайдаланушыларды түгендеу бойынша иесі жоқ немесе иесі қайтыс болған жер учаскелерін анықтау жұмыстары нәтижесінде жалпы алаңы 3117 гектар 12 жер учаскесі иелері қайтыс болғаны және жер учаскесі пайдаланбай жатқаны анықталып, иесіз мүлік ретінде тануға Әділет басқармасына аудан әкімдігінің жер қатынастары бөлімі тарапынан хат жолданған.
