Бүгін «Nur Otan» партиясы Саяси кеңесі Бюросының қаулысымен 28 ақпанда Саяси кеңестің отырысын өткізу туралы шешім қабылданды. Бұл туралы партияның Атқарушы хатшысы Асхат Оралов өзінің Facebook-тегі парақшасына жазды деп хабарлады turkystan.kz.
«Онда партияның кезектен тыс XXII Съезінің күн тәртібі бекітіледі. Сондай-ақ Саяси кеңес Бюросының қаулысымен «Nur Otan» партиясынан Парламент Мәжілісі депутатының бос мандатын партиялық тізім бойынша Саясат Нұрбекке беру туралы шешім қабылданды», – деді Асхат Оралов.
Тиісті шешім Орталық сайлау комиссиясына жіберілді.
https://turkystan.kz/article/169570-28-akpanda-nur-otan-partiyasy-sayasi-kenesinin-otyrysy-otedi/
