ШҚО-да әйел 3 баласын суық үйге бірнеше күнге қамап кеткен
Шығыс Қазақстан облысының Бесқарағай ауданында анасы бірнеше күн пеші жағылмаған суық үйге 3 баласын тастап кеткен. Абырой болғанда, балаларды учаскелік полиция кезекті тексеру кезінде байқап қалыпты, деп хабарлайды,-shanyraqinfo.kz Экспресс К. сайтына сілтеме жасап…
Облыстық полиция департаментінің мәліметінше, қыстың суығында қақаған үйде бүрсең қаққан үш баланың жағдайы қазір жақсы. Олар жылы әрі қауіпсіз жерге орналастырылды.
» Тексеру барысында үйде қараусыз қалған 9, 7 және 3 жастағы балалардың қараусыз қалғаны анықталды. Балаларының өмірі мен денсаулығына қауіп төндіріп, пеші бірнеше күн бойы жағылмаған суық үйге тастап кеткен анасы мас күйінде табылды«, — деді ШҚО ПД баспасөз қызметі.
Аталған жайтқа байланысты полиция кәмелетке толмаған екі баланы Семей қаласының кәмелетке толмағандарды бейімдеу орталығына, ал ең кіші 3 жасар баланы Семейдегі балалар үйіне орналастырған.
Ал анасын аналық құқығынан айыру мақсатында материал жинақталуда.
