Полицейлер Жамбыл облысынан Қарағандыға есірткі тасымалдамақ болған күдіктіні ұстады, – деп хабарлайды polisia.kz.
32,5 келі гашишті Қарағандыға пойызбен жеткізбек болған Шу ауданының тұрғыны уақытша ұстау изоляторына қамалды.
ІІМ Есірткі қылмысына қарсы күрес департаментінің бастығы Ерлан Омарбековтің айтуынша, күдікті Қарағандыға пойызға билет сатып алған соң қолға түсті. Таңғы сағат 5:00-де күдікті Қарағандыға жеткен сәтте ұсталды. Сөмкесінен 32,5 келіден астам гашиш салынған үш дорба шықты.
Кінәсі дәлелденсе, он жылдан он бес жылға дейін бас бостандығынан айырылуы мүмкін.
https://aikyn.kz/180278/32-keliden-astam-esirtkini-poyyzben-zhetkizbek-bolgan-turgyn-ustaldy-video/
