4 жыл төсекке таңылған әжей Бағдагүл сынықшының емінен кейін аяққа тұрғанын айтты

Төсекке таңылған әжей Бағдагүл сынықшыға қаралып емделіп шыққанын айтады. Аяққа тұрған әжей емшіге мақтауын асырып, алғысын білдірді.

Сынықшыдан ем алған әжей өзінің аяққа тұрғанын айтып қуанды.

“Менің қаралмаған жерім жоқ еді. 4 жыл төсекке таңылдым. Жүре алмадым. Енді Бағдагүлге қаралғалы жағдайым жақсы. Рахметімді айтамын. Емі қонды”, –деді Қызылорда облысының тұрғыны.

Емшінің айтуынша, ұлы көтеріп келген әжей емнен кейін өз аяғымен аттанған. Сынықшы ханым ем кезінде ата-бабаларымен сөйлесетінін, аталардың көзіне көрінетінін, тылсым байланыс күші арқылы емдейтінін айтқан еді.

“Бірінші Аллаға, екінші Бағдагүл ханымға, үшінші анасын алақанына салып шырылдап ем іздеп келген баласына мың да бір рахмет! Алла разы болсын, шипасын берсін”, “Қандай керемет, осындай құдіретке сенімсіздік танытып, тілдеп жататындарға таңғалам. Шайтан дейді, шайтан адамдарға мынадай құдірет жасаса, керемет қой. Бағагүл ханымды тілдегенше  алғыс айту керек”, “Бәрі Алладан, соны ұмытпаңыздар”, “Емшілік, сынықшылық деген бар, бірақ аталарды көру, әруақтармен тілдесу деген өте ауыр күнә әрі харам жол”, “Аталармен қалай тілдеседі, күлкім келеді, шайтани жол”, “Егер дұрыс болмаса, ем қайдан қонды?”, “Адаспаңыздар, алданбаңыздар, әруақтан ем болмайды”, –деді желідегілер.

Сынықшы Бағдагүл атымен танылған емші өзі емдеген науқастардың сәлемін жиі жариялайды. Оның еміне сенетіндер де, сенбейтіндер де баршылық. Бірі Алладан алған қасиетімен емдейді десе, бірі мұны Аллаға серік қосу, харам жол деп санайды.

Дәстүрлі әнші Айгүл Елшібаева Бағдагүл сынықшының әрекетін сынға алған еді.

https://stan.kz/4-zhil-tosekke-tanilgan-azhey-bagdagul-sinikshinin-emin-365322/