Қаржы мониторингі агенттігінің Алматы облысы бойынша департаменті қаржы пирамидасын құрып, жүзден астам адамды алдап кеткен ерлі-зайыптыны ұстады. Бұл туралы Агенттіктің баспасөз қызметі хабарлады.
Ерлі-зайыпты екеу «Елімай-2019» деп аталатын тұтынушылық коперативін құрып, жұрттан ақша жинаған. Олар ақшаны еселеп қайтарамыз деа уәде берген. Қазір күлдіктілер ұсталып, қамауға алынды. Олардың үстінен «алаяқтық» бабы бойынша іс қозғалған.
Қазіргі таңда аталған қаржы пирамидасынан 125 адамның зардап шеккені белгілі болып отыр. Алайда, олардың саны әлі де көп болуы мүмкін. Сондықтан, фотодағы ерлі-зайыптыны танып, оларға алданып қалғандар болса Қаржы мониторингі агенттігіне немесе полицияға арызданған жөн.
