Футболдан аудандық және қалалық құрама командалар арасындағы Жамбыл облысының чемпионаты өтті.
2022 жылдың 01-06 наурыз аралығында Жамбыл облысы әкімдігінің дене шынықтыру және спорт басқармасы мен Жамбыл облысының футбол федерациясының ұйымдастыруымен футболдан аудандық және қалалық құрама командалар арасындағы Жамбыл облысының чемпионаты өтті.
Жамбыл облысының аудандары мен Тараз қаласының қатысуымен өткен чемпионатқа барлығы 8 команда қатысты. Олар: Мойынқұм ауданы, Шу ауданы, Байзақ ауданы, Қордай ауданы, Сарысу ауданы, Жамбыл ауданы, Талас ауданы және Тараз қаласының құрама командалары қатысты.5 күнге созылған облыстық турнирде ауданымыздың аяқ допшылары топтық кезеңде Мойынқұм ауданы мен Шу аудандарын ұтып, Тараз қаласынан есе жіберіп, топтан 2 ші орынмен жартылай финалға жолдама алды.
Жартылай финалда жеребе бойынша жерлестеріміз Байзақ ауданының құрама командасымен кездесіп, негізгі ойында тең ойнап, ойын соңындағы 11 метрлік пенальтиден 2:4 есебімен қарсыластарынан басым түсті. Финалға жолдама алған жерлестеріміз өздерінің қарсыластарын анықтау үшін екінші жартылай финалдық ойынды күтіп, ол жақта Тараз қаласының аяқ допшылары Қордай ауданын ұтып, жартылай финалға Талас ауданының аяқ допшыларына қарсы жолдаманы ұтып алды. Финалдық ойында Тараз қаласы мен Талас ауданының құрама командалары жолығып, жерлестеріміз сәл ғана гол айырмашылығымен есе жіберді. Жалпы жарыстың қорытындысы бойынша 1 орын Тараз қаласы, 2 орын Талас ауданы, 3 орын Қордай ауданы, 4 орын Байзақ ауданы иеленді.
Талас ауданы әкімдігінің баспасөз қызметі