Сарысу ауданы, Игілік ауылында 97 жасқа аяқ басқан Ұлы Отан соғысының ардагері Мысалы Маханбетов қария тұрады.

🔹Зұлмат заманның куәгері болған ақсақалды аудан әкімінің орынбасары Олжас Көкей, Игілік ауылдық округінің әкімі Жандос Жанайдаров жаңа жыл мерекесімен құттықтап, шаңырағында болды.

🔹Небәрі 18 жасында майданға аттанған Мысалы жауынгер батальонында минометші, снайпер болған.

🔹Соғыстан дін аман елге оралып, Алматы кинофикация техникумында дәріс алған.
Осылайша 1964-1979 жж.- Сарысу аудандық мәдениет үйінде жылжымалы киноқондырғы саласында еңбек еткен.

🔹ҰОС ардагері I дәрежелі Отан соғысы ордені және «Кеңес Одағының маршалы Г.Жуков» медалімен марапатталған.

🔹Мысалы қария аудан әкімдігіне Игілікте атқарылып жатқан игі істер үшін алғыс айтып, ақ батасын берді.