1946 жылы 5 желтоқсанда «Шолақтау» кен орнынан фосфор рудасының алғашқы рудасы шығарылды.
Осыдан 78 жыл бұрын іске қосылған «Казфосфат тау-кен өңдеу кешені» жаңа өндірісті игеріп, еліміздің химия және тау-кен өңдеу саласының алыбына айналды.![]()
Кәсіпорының даму және өрлеу кезеңдерімен қатар Жаңатас, Қаратау қалалары қалыптасты.
Кешен қалақұраушы кәсіпорын ретінде ел мақтанышына айналды.
Қазіргі таңда Жамбыл облысының өндірісті аймақтарының ішіндегі ең ірісі осы «Қазфосфат тау-кен өңдеу кешені» ЖШС-і.
Сондай-ақ, бұл тау-кен өңдеу кешені Сарысу ауданындағы ірі өндіріс орыны.
Кешен өз тарихында жан жадыратар өсіп-өркендеу жылдарымен қиын-қыстау жылдарды да қатар өткізді. Еліміз егемендік алғаннан кейін кәсіпорынның жұмысы қайта түзеле бастады.
Қазіргі күні дамудың даңғыл жолына түскен.
Іргелі кәсіпорынның қалыпты жұмыс істеуі ауданның дамуына өзіндік үлесін қосып келеді. Өндірілген өнім көлемі жылдан жылға артып, тау-кен техникалары жаңартылуда. Яғни, жұмыс та қызады деген сөз. Кеншілер үшін керегі де осы.![]()
Ауданның барлық тыныс-тіршілігі осы өндіріс орынымен тікелей байланысты. Аудан көлемінде өткізіліп келе жатқан қоғамдық, мәдени — көпшілік шаралар кешенде жұмыс істейтін жұмысшы — қызметкерлердің қатысумен өткізіліп келеді.
Жаңатас қаласының келбетін жақсарту, аббаттандыру, тазалық және қардан тазалау жұмыстарынан бөлек, бұл іргелі компанияның ауылдық аймақтарда көмектеспеген, қолдау көрсетпеген, техникасының табаны тимеген елді мекендер кемде кем. Аудан басшыларының, тұрғындардың сұранысын жерге тастамай, демеушілік жұмыстарды барынша көрсетіп келеді.
Кешен қызметкерлері ізгілік, қайырымдылық шараларынан да тыс қалған емес.
Биылғы жылды қоспағанда, 2022-2023 жылдары аталған кәсіпорын 31 млн 109 мың 300 теңге қаржыға демеушілік көмек көрсетті.
Оның ішінде, аз қамтылған отбасыларына, олардың балаларына, аудан қарияларына, еңбек ардагерлеріне деген түрлі көмектер мен қайырымдылық шаралар, аудан көлемінде өткен ауқымды мерекелік шараларды қолдаулар, сондай-ақ, техникалармен көмектесулер бар.
Бұл шаралар «Қаратау» тау-кен өңдеу кешенінің күнделікті ауданымыз үшін жасап жүрген ізгілікті әрекеттерінің бір парасы ғана.
Алдағы уақытта да кәсіпорын ауданымыздың дамуы жолында аянбай еңбек ете береді деп сенеміз.
Ел үшін жасап жатқан еңбегі ерен, тау қопарып, тас жарған кеншілер еңбегі әрқашан да құрметке лайық.
Мерекелеріңіз құтты болсын, қадірменді кеншілер!
