Қазіргі таңда Тараз қаласында 434 мыңнан аса халық тұрады. Ал «Қазақстан Республикасының әкімшілік-аумақтық құрылысы туралы» Заңға сәйкес, «облыс орталығындағы қала тұрғындарының саны 400 мыңнан асқан кезде қаладағы аудандар құрылады» делінген. Соған байланысты қала дамуының жаңа Бас жоспары аясында шаһарда екі аудан құру қарастырылған болатын.
Бас жоспарға сәйкес Жамбыл және Байзақ аудандарынан аумағы 13019,1 гектарды құрайтын, 45701 халқы бар 14 елді мекенді қалаға қосу көзделіп отыр. Бұл жағдайда көне шаһар тұрғындарының саны 479 мыңнан асады.Осыған орай Тараз қаласының әкімі Бақытжан Орынбеков Байзақ ауданының Қызыл жұлдыз ауылының тұрғындарымен кездесті.![]()
Басқосуда шаһар басшысы алда тұрған ауқымды жоба-жоспарларды тілге тиек етті.
– Бүгінде облыс орталығының құрамына енетін елді мекендерде түйіні тарқамай тұрған түйткілді мәселелер баршылық. Оларды шешу мақсатында алдын ала жан-жақты зерделеу жұмыстары жүргізіліп, бірлескен жоба-жоспар әзірленуде. Енді сол бойынша тиісті жұмыстар қолға алынады. ![]()
Әрине, ауылдар қалаға қосылғаннан кейін олардың инфрақұрылымы да соған сай болуға тиіс. Сондықтан ең әуелі елді мекендердегі жолдардың жағдайын жақсарту, қоғамдық көлік санын көбейту, әлеуметтік нысандарды жаңғырту, спорт алаңшаларын салуға басымдық беріледі. Біз үшін әрбір тұрғынның жайлы тұрмысы маңызды, – деген Бақытжан Әмірбекұлы жауапты тұлғаларға жоба-жоспар бойынша нақты тапсырмалар жүктеді.
Әрине, ауылдар қалаға қосылғаннан кейін олардың инфрақұрылымы да соған сай болуға тиіс. Сондықтан ең әуелі елді мекендердегі жолдардың жағдайын жақсарту, қоғамдық көлік санын көбейту, әлеуметтік нысандарды жаңғырту, спорт алаңшаларын салуға басымдық беріледі. Біз үшін әрбір тұрғынның жайлы тұрмысы маңызды, – деген Бақытжан Әмірбекұлы жауапты тұлғаларға жоба-жоспар бойынша нақты тапсырмалар жүктеді.Келесі кезекте тұрғындар көкейдегі сауалдарын жолдап, тұшымды жауаптар алды.
Мұндағы халықты бүгінде 3 көше бұрылыстарын орташа жөндеу, 16 көшеге жарық шамдарын орнату, ауылдық клубтың ғимаратын жаңғырту және тағы да басқа мәселелер толғандырады.![]()
Барлық сауалды мұқият тыңдаған шаһар басшысы әрбір мәселе назардан тыс қалмайтынын баса айтты.