Министр өзінің әлеуметтік желідегі парақшасында бұл істің назардан тыс қалмайтынын жеткізді.

«Күні кеше Қостанайда жедел жәрдем бригадасының фельдшерлеріне шабуыл жасау фактісіне тағы да тап болдық. Шақыруға келген шұғыл қызмет маманы, жас Анель Баймурзина ұрып-соғу нәтижесінде көптеген жарақаттар алып, өзі стационарға түсті.

Анель Баймурзинаның отбасына жеке қолдауымды білдіргім келеді. Оның тезірек сауығып кетуін тілеймін және бұл іс назардан тыс қалмайды», — деп жазды министр.

Әлназарова шұғыл қызметтің медицина қызметкерлері өз жұмыстарын тәуекел мен жоғары жүктеме жағдайында орындайтынын атап өтті. Олар күнделікті қиын және қауіпті жағдайларда адам өмірін аман алып қалып, көмек көрсетіп жүр.

• БҚО-да экс-полицей адам өлтірді деген күдікке ілінді – Қайғылы оқиғаның мән-жайын марқұмның әкесі айтып берді

• «Халықтың өмірінен кредиторлық қарызды өтеу маңызды ма”: Қазақстандық жедел жәрдем қызметкерлері министрлік жобасына қарсы президентке үндеу жасады

Жергілікті атқарушы органдардың деректеріне сәйкес, 2019-2023 жылдар аралығында Қазақстанда қызметтік міндеттерін атқару кезінде 158 медицина қызметкері зардап шеккен.

«Осыған байланысты, депутаттардың қолдауымен біз медицина қызметкерлеріне қатысты қызметтік борышын орындау барысында жасаған зорлық-зомбылық әрекеттері үшін қылмыстық жауаптылықты енгізуге бастамашылық жасадық. Мұндай қылмыстар бостандықты шектеуге дейін әділ жаза алуы керек және бүкіл қоғам айыптала алуы керек. Осылайша медицина қызметкерлеріне қатысты зорлық — зомбылыққа жол берілмейді және жазаланады», — деп атап өтті министр.

Еске салсақ, бұған дейін Қостанайда шақыртуға барған фельдшерді марқұмның туыстары шашынан тартып, ұрып-теуіп соққыға жыққаны туралы хабарлаған едік.

Фото: senate.parlam.kz және zdravo.kst instagram парақшасынан

https://stan.kz/kastanayda-markymnin-tuistari-shakirtuga-bargan-feldshe-411496/