Астана қаласының қылмыстық істер жөніндегі ауданаралық сотында бірнеше рет алаяқтық жасады деп айыпталған А-ға қатысты қылмыстық іс қаралды.
Оқиға қалай болған?
А. есімді адам Дубай шоколадын сатамын деп жәбірленушілерді адастырып, бірнеше рет олардың ақшаларын иемденген. Осылайша, ол 10 жәбірленушінің 301 020 теңге көлеміндегі ақшасын жымқырған.
Сотталушының кінәсі жәбірленушілердің айғақтарымен, банк аударымдарымен және қылмыстық іс материалдарымен дәлелденді. Прокурор күдіктіге 3 жыл 6 ай бас бостандығын шектеу түрінде жаза тағайындауды сұрады.
Сот үкімі қандай?
Сот үкімімен А. Қылмыстық кодекстің 190-бабы 3-бөлігінің 4-тармағымен кінәлі деп танылды, оның 3 жылға бас бостандығы шектелді.
Үкім заңды күшіне енген жоқ.
Фото: depositphotos.com
https://massaget.kz/news/dubay-shokoladyin-satamyin-dep-jurttyi-aldagan-adam-123306/?fbclid=IwY2xjawHrPGtleHRuA2FlbQIxMQABHUSD14IMmf1PhgGAuaoift0HDYv3qcIfHEqqCxQbq78g7VEDQ46ZTaiaLA_aem_zV9qXbocaUS6OUYQyf8hbw
