Нұрлан Қоянбаевтың вьетнамдық сыңары желі жұлдызына айналды, — деп хабарлайды Massaget.kz тілшісі.
Әлеуметтік желілерде саяхатшының қазақстандық шоумен және продюсер Нұрлан Қоянбаевқа ұқсайтын вьетнамдықты түсірген видеосы тарап кетті.
Видео 825 мыңнан астам қаралым жинап, қазақстандықтардың қызығушылығын тудырды. Желі қолданушылары вьетнамдық ер адам мен Нұрлан Қоянбаевтың ұқсастығына қатысты әзілдерді жарыса жазып жатыр.
«Нұрланның әкесі жас кезінде Ветнамға барып кино түсірген ғой», «Енді осы жігітті Нұрлан Қоянбаев тауып алып, бір жана сценарий құрады», «Астанаға апарып, 2 ай ұстасаңдар, бұл да Нұрлан сияқты аппақ болады», «Тістеріне дейін ұқсайды екен», «Ешкімге айтпай, автобус жүргізушісі болып жұмыс істеп жүрген жоқ па», — деп жазған желі қолданушылары.
Еске салайық, Нұрлан Қоянбаев – ең танымал қазақстандық шоумендер, актерлер мен продюсерлердің бірі. Ол «Қазақша Бизнес» фильмдерінің танымал франшизасының арқасында танымал болды.
Фото: Видео кадры
https://massaget.kz/news/vetnamda-nurlan-koyanbaevtyin-syinaryi-tabyildyi-124620/?fbclid=IwY2xjawIHWJxleHRuA2FlbQIxMQABHWfnBz7sIQUiBVQSMg0uDQppiuzF0FY2ui0o-tb6iFmECTFSB_Soa3hMAA_aem_vvut6FSaaAn4wMsOq_vlcw
