Петропавлда көзіне пышақ кіріп кеткен үш жасар баланың жағдайы қалай?

Петропавлда көзімен пышаққа құлаған бала екінші ай реанимация жатыр, бұл істі тергеу әлі жалғасып жатыр, — деп хабарлайды Massaget.kz тілшісі.

Қайғылы оқиға 2024 жылдың 19 желтоқсанында болды. Сол кезде көпбейінді облыстық балалар ауруханасына өте ауыр, агоналды жағдайда сол жақ көз ұясы аймағында жарасы бар үш жасар бала ауруханаға жатқызылды.

Баланың анасы асүйде тамақ пісіріп жатқан. Баласы оның жанында болған. Бір кезде бала сәтсіз құлаған: оның көзіне пышақ кіріп кеткен.

Полицейлер барлық мән-жайларды анықтау бойынша тексеру жүргізіп, кәмелетке толмағанды тәрбиелеу жөніндегі міндеттерді орындамау бойынша сотқа дейінгі тергеуді бастады. Алайда 2024 жылдың 25 желтоқсанында қылмыстық іс «денсаулыққа абайсызда зиян келтіру» бабы бойынша қайта жіктелді.

«Осы қылмыстық іс бойынша сотқа дейінгі тергеу жалғасып жатыр. Бала әлі ауруханада жатыр. Баланың анасы, баланың заңды өкілі ретінде, осы іс бойынша жәбірленуші деп танылды. Қылмыстық іс Петропавл қаласы полиция басқармасының анықтау бөлімінде», — деп хабарлады Tengrinews.kz-ке СҚО полиция департаментінің баспасөз хатшысы Әдемау Меңдібаева.

Қазіргі уақытта іс бойынша күдікті жоқ.

Өңірдің денсаулық сақтау басқармасында Tengrinews.kz-ке зардап шеккен нәресте әлі де ауыр күйде екендігін айтты.

«Бала реанимацияда. Жағдайы өзгеріссіз», — деп жауап берді облыстық Денсаулық сақтау басқармасында.

Фото: depositphotos.com

https://massaget.kz/news/petropavlda-kozne-pyishak-krp-ketken-ush-jasar-balanyin-124759/?fbclid=IwY2xjawIKfSdleHRuA2FlbQIxMQABHTmJQ-xKihju1LOmLiuwp1tU6Nc15A0ggGhPK0Qr_8YyPJ2i0RAOHM2gHg_aem_W221-AP7ft7Z_92tlBHzrQ