Әзілкеш Елдос “колобок“ өзіне бедеулікке қарсы ота қалай жасалғанын айтып берді

Блогер бұған дейін Түркияға барып емделген. Алайда ота сәтсіз өткендіктен, олар Америкаға баруды ұсынған.

Бірақ блогер өзінің көңілінен шыққан клиниканы Астанадан тапқан.

«Түркияда ота 20-30 минут қана жасалатын. Ал Астанада ота 3,5 сағат жасалды. Дәрігерлер үмітін үзіп жатқан екен. Хирургтың айтуынша, ең маңызды тұсы бітеліп қалған екен. Ота жасаған дәрігер дәл сол тұсты кесетін әдісті қолданбайтынбыз, оны ұмытып кеткенбіз дейді. Сол әдіске қажетті бір құралын қасындағы көмекшілерінен сұраса, оны тіпті дайындамаған да екен. Соны әкелгеннен кейін жаңағы жабысып тұрған жерді кесіп жібергенде бір дауыс шығып, артынша бұлақ болып ақты дейді. Соны алып, эмбриологқа бергенде ішінде жыбырлап жүргендерін көрген. Ондай менде мүлдем болмаған», — дейді Елдос Қадірханов.

Еске салайық, 2023 жылы әзілкеш Елдос «колобок» не себепті балалы бола алмай жүргенін айтқан болатын.

Алайда жақында еліміздегі емдеу мекемесінің бірі 13 жыл бойы сәби күтіп жүрген жұпқа, ата-ана болу бақыты бұйыруы мүмкін екенін айтқан. 

Фото: instagram.com/eldos_kalabok

https://massaget.kz/news/azlkesh-eldos-kolobok-ozne-bedeulkke-karsyi-ota-kalay-124707/?fbclid=IwY2xjawIKgAdleHRuA2FlbQIxMQABHebVIwG1qQPeF12op8OR6JYCzlnVIjVFKebzbnI1D46x5rFARJSN31R6Ag_aem_uZ0BDc8uvZSCslM7kQkTRA