Ақтөбе әскери сотында взвод командирі Әділет Керімбаевқа қатысты қылмыстық іс қаралды. Ол сарбазды темеке тұқылын жеуге мәжбүрлеген, ұрып-соққан
https://kaz.inform.kz/news/aktauda-sarbazdi-temek-tukilin-zheuge-mazhburlegen-serzhantka-sot-ukm-shikti-ed7919/
Оқиға Ақтауда болғанымен, іс Ақтөбе әскери сотында қаралды.
Іс материалына сүйенсек, 2024 жылдың 29 ақпаны күні сағат 10:00-17:30 аралығында 25744 әскери бөлімінде тазалық жұмыстары жүргізілді. Әскери бөлімдегі медициналық рота ғимаратының жертөлесінде жүрген сержант Ә.Керімов еденнен темекі тұқылын көріп қалады.
Сол кезде екі жүргізуші әрі қатардағы жауынгерді шақырады. Ә.Керімов екі сарбазға темекі тұқылын жеуге бұйрық береді. Екі сарбаз да бұйрықты орындап, темекі тұқылын жейді.
Сол күні сағат 12:00 шамасында екі сарбаздың бірі өзін жайсыз сезініп, медциналық пунктке қаралады. Сөйтіп әскери қызметкер ісі Қылмыстық кодекстің 451-бабы 1-бөлімімен сотқа түсті.
Сот кабинетіндегі ақпаратқа сүйенсек, 2024 жылдың 2 наурызы күні әскери бөлімде тағы тазалық жұмысы жүреді. Сол кезде сержант Ә.Керімов бірінші қабатта орналасқан жатын орында болады. Ол бөлменің шашылып жатқанын көріп, тағы да екі сарбазды шақырып алады. Сол кезде бірін теуіп, сарбаз кеудесін ұстап, құлап қалады.
«Тұр, өлме!» деп бұйрық беріп, қайта көтірілген сәтте сарбазды қайта тебеді. Жұдырығымен ұрмақ болғанда сарбаз бетін қорғап қалады. Сол кезде жатуға бұйрық беріп, өзі ұрып-соғады.
Сот отырысы кезінде соттталушы Ә.Керімов өз кінәсін мойындамады.
Сот Әділет Керімовті Қылмыстық кодекстің 451 бабы 1 бөлігімен айыпты деп танып, 2 жылға бас бостандығын шектеу жазасын тағайындады.
Қылмыстық кодекстің 44 бабы негізінде жазасын өтеу мерзімінде жыл сайын 100 сағат қоғамдық жұмысқа тартылады.
фото: istockphoto.com
https://turkystan.kz/article/255633-sarbazdy-temeki-kaldygyn-zheuge-m-zhburlegen-serzhant-sottaldy
