Марқұмның туыстары әділдік талап етуде. Олардың айтуынша, қайғылы жағдайдан кейін қызметінен шеттетілген дәрігерлер қайтадан жұмысқа кіріскен, деп хабарлайды buginmedia.kz КТК арнасына сілтеме жасап.
Қайғылы оқиға 30 қаңтарда Үржар ауданында болған. Төртінші баласын босануға келген Гүлнәр Қайратқызының ауруханадан мәйіті шыққан. Туыстары оның денсаулығында ешқандай кінәрат болмағанын айтады. Сондықтан олар дәрігерлердің салғырттығынан көз жұмды деп есептейді. Айтуларынша, дәрігерлер әйелге дәрі егіп, «бір тәулік күтеміз» деп ауруханада қалдырған.
Облыстық денсаулық сақтау басқармасының өкілдері дәрігерлердің қайта қызметке оралуына нақты жауап бере алмады. Олар тек босану кезінде тиісті ем-шаралар медициналық нұсқаулыққа сай жүргізілді деп мәлімдеді.
«Гүлнәр Қайратқызының өліміне босану кезінде пайда болған асқыну себеп болды. Бірақ сот-медициналық сараптаманың түпкілікті қорытындысы шықпағандықтан, әзірге нақты диагнозды түсіндіре алмаймыз», – деді Абай облысы денсаулық сақтау басқармасы бөлім басшысының орынбасары Әсем Орынбаева.
Фото: видеодан алынды
https://buginmedia.kz/1370/aza-stan-a-bosanu-a-kelgen-sh-balany-anasy-s-biimen-birge-k-z-zh-mdy?fbclid=IwY2xjawIj5jdleHRuA2FlbQIxMQABHc7brPdjrkARkTWq3NDv1EO6Cgj4Gl3Zur-w2xWPQwTtW5jNFm5n3AqOtg_aem_IM156QDKtleCmYSaLieKRA
