«Маған арабтың сөзін тықпаламаңдар»: Блогер Мөлдір Анарбаева құран оқудан біржола бас тартты
Белгілі блогер, тележүргізуші Мөлдір Анарбаева жәннәтті саудалаған мешім қызметкерлерін қатаң сынға алды.
Ол елдегі діндарлар Меккеге сүйреп, жаназа шығарумен ғана айналысатынын ашып айтты, деп хабарлайды Caravan.kz медиа порталы.
Блогердің бұлай шүйлігуіне желіде жәннәтті 7 мың долларға бағалап, саудалаған имамның сөзі себеп болған. Ол: «Енді жәннәтті сатып алатын болдық па?» деп имамдарды сынап, өз ойын ортаға салды.
«Жеті жүз мыңның ақшасын бересің, 7 млрд-тың проблемасын шешесің. 700 мың теңге бересің, 7 млн теңгенің бәлелерінен құтыласың. Жәннатты сатып алды деген Пайғамбарымыз бір сахабаны көрсетті. Ол анау сахаба жәннәтты сатып алды деген.
Блогер аталған видеоға қатысты өз ойын ашық білдірді.
«Сөз жоқ! Енді жәннәтті сатып алатын болдық па? Ақша бәрін шешеді. Ақша жинап сатып алайық. Жақында ақысына құдаймен кездестіремін десе де таң қалмаймын.
Біздің діндарлардың жұмысы Меккеге сүйреумен, жаназа шығарумен ғана шектеліп тұр. Құдайдың барына оның ниетіне қарай нәсіп беретініне сенетін болса, ақыры жолын рухани әлемге арнаған екен, неге әңгімесін шыдамға, өмірдің құнды екеніне арнамайды? Өлімнен ақша жасап отырған мемлекеттер де бар…», — деп жазды ол.
Сонымен бірге ол өзін намазға жығылуға шақырған оқырмандарының біріне жауап берді.
«Араптанушылар. Бәрін біледі. Терминдерін де жаттаған. Мен қазақпын. Маған араптың сөз тіркестерін тықпаламаңдар», — деп кесіп айтты блогер.
