2025-2028 жылдар аралығында құны 3,6 трлн. теңгені құрайтын 82 инвестициялық жобалар базасы қалыптасты. Онда барлығы 10 мыңға жуық жаңа жұмыс орындары ашылуы көзделуде.
Бүгінгі таңда 3,1 трлн. теңгеге 62 инвестициялық жабалардың құрылыс жұмыстары жүргізілуде.
Бұл жобалардың салалар бөлінісінде:
- өнеркәсіп саласында 1,7 трлн. теңгеге 36 жоба;
- ауыл шаруашылығында 48,4 млрд. теңгеге 17 жоба;
- электр энергиясы бойынша 1,3 трлн. теңгеге 2 жоба;
- туризм саласында 11,6 млрд. теңгеге 7 жоба.
2025 жылы жалпы құны 175,2 млрд. тенгенің 30 инвестициялық жобасын іске асыру жоспарлануда (оның ішінде 81, млрд. теңгеге, 21 жоба «Ұлттық цифрлық инвестициялық платформаға» енгізілген).
Өнеркәсіп саласында 36 жобаның ішінен облыстың индустриалды және әлеуметтік дамуына әсер ететін біршама инвестициялық жобалар бар.
Оның ішінде «Shagala Mining» ЖШС мыс өндіру жобасы, «ЕвроХим-Қаратау» ЖШС күкірт қызқылы және минералды тыңайтқыштар, «Talas Investment Company» ЖШС және «Altynalmas Reagents» ЖШС натрий цианиді өндірістері, «Kazakhstan Hydrogen Peroxide» ЖШС сутегі тотығы, «JVictor New Energy» ЖШС кремний өндірісі, «QAZAQ SODA» ЖШС кальцийлендірілген сода өндірісі және «Yonggang Iron and Steel Group Co.,Ltd» ЖШС металлургия өндірісі.
Жамбыл облысында соңғы бес жылда өңдеу өнеркәсібінде өсім тіркелді. Өңдеу өнеркәсібінің көлемі 2019 жылдан 2024 жылға дейінгі кезеңде 352,1 млрд. теңгеден 598,1 млрд.теңгеге дейін өсті. 2024 жылдың қорытындысы бойынша облыс өнеркәсібіндегі өңдеу өнеркәсібінің үлес салмағы – 65,5% құрады.
Өсім көрсеткіші негізінен химия өнеркәсібі, тамақ өнеркәсібі және құрылыс индустриясы салалардағы өндіріс көлемінің артуына байланысты болып отыр.
Химия өнеркәсібі – өңдеу секторы салаларының арасында басым, оның үлесі 30%-ды құрайды.
2024 жылдың қаңтар — желтоқсанында сала өндірісінің көлемі – 271,7 млрд. теңгені құрады. Өңдеуші өнеркәсіп құрылымындағы саланың үлесі – 45,4%.
Бұл салада «Казфосфат» ЖШС («Жаңа Жамбыл форфор зауыты» және «Минералды тыңайтқыштар» филиалдары), «Talas Investment Company» ЖШС жұмыс жасайды. «Казфосфат» ЖШС компаниясының филиалдары сары фосфор және оның қосындыларын, фосфорлы және азотты минералды тыңайтқыштар өндіруге мамандандырылған; «Talas Investment Company» ЖШС — натрий цианиді мен аммоний сульфаты.
2019-2024 жылдар аралығында химия өнеркәсібінің көлемі 162,9 млрд. теңгеден 271,7 млрд.теңгеге дейін өсті.
2024 жылдың 11 айында саладағы экспорт көлемі 216,8 млн. АҚШ долларын (НКИ-301,5 %) құрады.
Химия кәсіпорындарының қуаттылығы республиканың қажеттіліктерін ғана емес, сонымен қатар әлемдік нарыққа өнімді жеткізуді де толық қамтамасыз ете алады.
Бүгінгі таңда химия кәсіпорындары жаңа инновациялық және бәсекеге қабілетті өндірістерді құру бойынша белсенді жұмыс жүргізуде, өнімнің жаңа түрлерін шығаруға, еңбек өнімділігін арттыруға бағытталған инвестициялық жобалар іске асырылуда.
«Казфосфат» компаниясы индустрияландыру бағдарламасы аясында «минералды тыңайтқыштар өндіру зауытын жаңғырту» жобасын іске асырды.
Қаратау қаласында «Talas Investment Company» ЖШС – «натрий цианидін өндіру зауытының екінші кезеңін салу» жобасын іске асыруда. Жобаның құны-25,8 млрд. теңге. Жобалық қуаттылығы-жылына 30 мың тонна.
«Еврохим-Удобрение» компаниясы минералды тыңайтқыштар мен индустриялық өнімдерді шығаратын зауыт салу және пайдалану ірі инвестициялық жобасы іске есырылуда. Жобаның құны -1 млрд. АҚШ. долл. Өндірістік қуаты: жылына 1 млн. тоннаға дейін өнім шығару. Жоба бойынша 1200 жаңа жұмыс орнын құру жоспарлануда. Іске асыру мерзімі — 2026 жж.
«Qazaq-Soda» ЖШС кальцийленген сода өндіретін зауыт салу жобасын іске асыруда. Жобаның қуаттылығы-жылына 500 мың тонна. Жобаның құны-188000 млн. теңге. 200 жаңа жұмыс орнын құру жоспарлануда.
Азық-түлік өндірісінің облыс өнеркәсібінің жалпы көлеміндегі үлесі 11,1% құрап, жетекші орындардың бірін алады.
Салада 2024 жылдың қаңтар — желтоқсанында 101,3 млрд. теңгеге өнім өндірілді.
Өңдеу өнеркәсіп құрылымындағы үлесі -16,9%.
Саладағы негізгі кәсіпорындар – «Тараз қант зауыты» ЖШС, «Меркі қант зауыты» ЖШС, «Бурненская молочная компания» ЖШС, «Меркі ірімшік зауыты» ЖШС сүт, макарон және кондитерлік өнімдер өндіретін шағын кәсіпорындар.
2019-2024 жылдар аралығында тамақ өнеркәсібінің көлемі 59,9 млрд. теңгеден 101,3 млрд.теңгеге дейін өсті.
2024 жылдың 11 айында саладағы экспорт көлемі 23,1 млн. АҚШ долларын (НКИ-150 %) құрады.
Негізінен облыстан шұжық өнімдері, сүт өнімдері, кондитерлік өнімдер, ет экспортталады, ал сүт және консервіленген өнімдер, өсімдік және күнбағыс майы және т. б. импортталады.
Құрылыс индустриясы саласында құрылыс материалдарын, бұйымдар мен конструкциялар өндірісі, оның ішінде жоғары дәрежелі қайта өңдеу өнімдері үшін негізгі шикізат түрлерінің қолданыстағы кен орындарының жеткілікті санының болуын дәлелдейтін айтарлықтай минералды-шикізат базасы бар. Облыста 13 әрлеу тастарының, 18 – құрылыс тастарының, 12 – өңдегіш тастардың, 23 – құм-топырақ қоспасының, 11 – құрылыс құмының, 34 – кірпіш өндіруге қажетті саз балшықтың және басқа да кен орындары бар.
Салада 2024 жылдың қаңтар-желтоқсанда 57,4 млрд. теңгеге өнім өндірілді. Өңдеу өнеркәсіп құрылымындағы үлесі – 9,6%.
Саланың негізгі кәсіпорындары — портландцемент өндіру бойынша «Жамбыл цемент өндірістік компаниясы» ЖШС, құрылыс гипсін және оның құрылғыларын өндіретін «Жамбылгипс» АҚ, темірбетон бұйымдарын, бетоннан жасалған құрылыс құрастырмалы құрылымдарын өндіретін «Гимарат Темірбетон» ЖШС, «Жамбылхимстрой» ЖШС және т.б.
2019-2024 жылдар аралығында құрылыс индустриясы өндірісінің көлемі 38,9 млрд. теңгеден 57,4 млрд.теңгеге дейін өсті.
2024 жылдың 11 айында саладағы экспорт көлемі 17,5 млн. АҚШ долларын (НКИ-111,5%) құрады.
Облыста өнеркәсіптің дамуы тұрақты экономикалық өсуді сақтауда маңызды рөл атқарады. Жаргілікті атқарушы органдар өнеркәсіпті дамытуды жалғастырып, жаңа жұмыс орындарын ашып, шетелдік тауарларға тәуелділікті азайтуға ықпал етеді. Бұл өз кезегінде облыста өндіріс саласының жақсаруына мүмкіндік береді.
Жамбыл облысы әкімдігінің кәсіпкерлік және индустриалды-инновациялық дамыту басқармасы
