Ауданымыздың спортшы қыздары жарап тұр. Олар спорттың әр түрінен түрлі жүлделерді иеленіп, байрақты бәсекелерде бас жүлдені иеленіп жүр.
Жуырда 3 — 11 мамыр аралығында Үндістан мемлекетінің астанасы Нью Дели қаласында жасөспірім қыздар арасында армрестлингтен Азия чемпионаты өтті.Аталмыш жарысқа ауданымыздан Түркістан ауылдық округіне қарасты Арыстанды ауылының тумасы Гүлнәр Алиева қатысып, алтын медальді иеленген болатын.Бүгін Үндістаннан тағы ақжолтай хабар келді. Тағы бір Арыстанды ауылының тумасы Қарлығаш Елдосқызы алтыннан алқа тағып, еліміздің мәртебесін асқақтатса, Түгіскен ауылының жас спортшысы Ләззат Айтжан күміс жүлдені иеленді. Жаттықтырушысы Ержан Қалмахановтың үкілеген үміті ақталып, шәкірттері биік белестерден көрініп келеді.Байрақты бәсекеде оза шапқан жүйріктерімізге спортта жолдары әрдайым ашық болсын деп тілейміз.
Все реакции:
Сраил Несипбеков, Sarysu Audandyk Karji Bolimi и ещё 39
