Өнердің ордасы болған қасиетті Сарысу өлкесі бүгінде болашақ дарындарды түлетуде. Ауданымыздың жас жеткіншектері түрлі сайыстарда бақ сынап, бас бәйгені жеңіп, өлкеміздің мерейін асыруда.
Жуырда Өзбекстан мемлекетінің астанасы Ташкент қаласында «Азия таланттары» атты II Халықаралық байқауы өткен болатын. Аталмыш сайыста музыкалық аспапта орындау номинациясы бойынша өнердің қарашаңырағы — Саудакент ауылындағы Ықылас Дүкенұлы атындағы балалар саз мектебінің 3-сынып оқушысы Ару Баян қатысып, жүлделі 1 — орынды иеленді.
Жетекшісі саз мектебінің ұстазы Замзат Рысдаулетованың ерен еңбегі мен ата — анасы Алмас Сеитов және Медине Адамбаеваның үкілеген үміті ақталып, ауданымыздың абыройын асқақтатты.Бәсі биік байқауда үздік шыққан Ару қызымыздың жеңісі құтты болсын. Қаршадайынан жеңіске талпынған еңбегі жана берсін!