https://turkystan.kz/article/261956-almatyda-gimarat-tolygymen-zanyp-ketti
Алматыда екі қабатты ағаш коттедж жанып кетті.
Төтенше жағдайлар министрлігінің мәліметінше, Алматыда 8 маусымға қараған түні ағаштан салынып жатқан екі қабатты ғимараттан өрт шықты.
— 600 шаршы метр аумақты қамтыған қызыл жалын толық сөндірілді. Зардап шеккендер жоқ. Өрттің шығу себебі анықталып жатыр, — делінген хабарламада.
Сондай-ақ өрт сөндірушілер отқа оранған үйден үш газ баллонын шығарып, жарылыстың алдын алды. Ол ағаштан салынғандықтан, қызыл жалынды ауыздықтау қиындық туғызды.
