Серікбаев Ғазиз Қаржаубайұлы Мойынқұм аудандық телекоммуникация торабының басшысы қызметіне тағайындалды.
Ғазиз Қаржаубайұлы – байланыс саласының тәжірибелі маманы. Ол 1986 жылы 9 маусымда Жамбыл облысы, Мойынқұм ауылында дүниеге келген. Ұлты – қазақ. Үйленген, 4 бала тәрбиелеп отыр.
Білімі
Алматы Байланыс колледжі – электрбайланыс технигі, Халықаралық Ақпараттық технологиялар университеті – радиотехника, электроника және телекоммуникациялар мамандығын алған.
19 жылдық еңбек өтілі бар маман өзінің еңбек жолын электрмонтер болып бастап, инженерлік сатылардан өтіп, 2023 жылдан бері жетекші инженер қызметін атқарып келген.
Білікті де тәжірибелі маманның жаңа қызметі құтты болсын! Ауданның телекоммуникациялық жүйесін одан әрі дамыту жолындағы еңбегіне сәттілік тілейміз!
