https://turkystan.kz/article/262598-air-astana-atyraudan-dubaiga-usatyn-reisterdi-uaqytsa-toqtatady
Қазақстандық Air Astana әуе компаниясы Атыраудан Дубайға бағытталған рейстерді уақытша тоқтатады, деп хабарлайды turkystan.kz.
Атыраудан Дубайға ұшатын рейстен 28 маусымнан бастап ұшу уақытының ұзаруына байланысты тоқтатылады. Сонымен қатар, Астана мен Алматыдан Дубайға рейстер Иран мен Ирак аумағынан айналып өту арқылы жалғасатын болады.
«Уақытша тоқтатылған рейстердің жолаушыларына Алматы мен Астанадан Дубайға немесе Атыраудан басқа бағыттарға тегін қайта брондау не авиабилеттердің толық құнын қайтару ұсынылады», – деп хабарлады компания.
13 маусымда Қазақстан Таяу Шығыстағы алты елдің маңында ұшуға толық тыйым салды. Алайда, 16 маусымда Сыртқы істер министрлігінің өкілі Қазақстанның ескертуіне қарамастан, туристерге толы ұшақтар Біріккен Араб Әмірліктеріне ұшып жатқанын мәлімдеді. 19 маусымда Wizz Air Abu Dhabi әуе компаниясы Таяу Шығыстағы жағдайдың ушығуына байланысты Астана мен Абу-Даби арасындағы рейстерді тоқтатты.
Таяу Шығыстағы қақтығыс 13 маусымға қараған түні Израильдің Ирандағы нысандарға соққы жасауы салдарынан күрт шиеленісті.
