Елбасы Н.Ә.Назарбаев үстіміздегі жылды «Жастар жылы» деп жариялағаны баршамызға белгілі. Осыған орай 2019 жылғы 20 шілдеде ҚР ІІМ ТЖК Көкшетау техникалық институтының курсанттары мен Жамбыл облысы ТЖД Өрт сөндіру мекемесінің қалалық өрт сөндіру бөлімдерінің жеке құрамы Жамбыл облыстық Полиция департаментінің мұражайына арнайы экскурсияға қатысты, – деп хабарлайды «shanyraqinfo.kz» ақпарат агенттігі.
Айта кеткен жөн, Жамбыл облысы Полиция департаментінде аталмыш мұражай 10 жылдан астам уақыт жұмыс істеп келеді. Сондай-ақ Қазақстан Республикасы Ішкі істер органының 25 жылдық мерейтойына орай, яғни 2017 жылдың 23 маусымында Полиция күні қарсаңында аталған мұражайдың жаңартылған күйдегі ашылу салтанаты ұйымдастырылған болатын.
Азаматтық қорғау органының қызметкерлері экскурсия барысында 1000-нан астам тарихи жәдігерлерді тамашалап, Жамбыл облысының полиция қызметінің қызметтік тарихымен тереңірек танысты. Оның ішінде мұрағаттық құжаттар, фото және бейнетаспалар, материалды және рухани мәдениетін қамтитын кітаптар мен естелік құнды заттар, өнер туындылары, қару-жарақтар мен сол кезді еске салатын автотехникалар бар болатын. Құтқарушылар үшін әлгі бұйымдардың ішінде көзге оттай басылғаны «Халық Қаһарманы» полиция капитаны Ғазиз Байтасовтың экспозициясы, «ҚР Конституциясы мен Мемлекеттік нышандар» сондай-ақ Жамбыл облыс ІІО генералдары, Ұлы Отан соғысы жылдарындағы Кеңес Одағының батырлары, Кеңес милициясының ардагерлері – Бауыржан Момышұлы мен александр Федоровия Петровтар туралы жазба деректер, Қахақ хандығының негізін салушы хандар Керей мен Жәнібек туралы және өзге де қазақтың батырлары жөніндегі деректерге куә болды.
Экскурсияға қатысушылар түрлі сипаттағы жәдігерлердің ішінен 1952 жылы шығарылған «ГАЗ-69» автокөлігі мен 1940 жылы шыққан урал мотоциклін, механикалық есептегіш машина мен кассеталық қол камерасы, із кесушілердің фото жарақтары, сондай-ақ 1944 жылдары шыққан немістің жазу машинкасы, 1987 жылы шығарылған ең алғашқы «Корвет» компьютерін, 60 жылдық тарихы бар Ұлы отан соғысының ардагері П.П.Вербицкийге тиесілі болған көне патефонды және өзге де тарихи құнды жәдігерлерді асқан бір қызығушылықпен тамашалады.
Айта кететін жайт жас қызметкерлерді аталған экскурсияғаға тартудағы басты мақсат елге, жерге деген патриоттық сезімдерін аттыру болатын. Өз кезегінде аталмыш шараға қатысушылар ұйымдастырылған экскурсияға өз ризашылықтарын білдірісті. Болашақта Полиция департаментімен бірлескен мұндай игі шаралардың жалғасын табатынына біз бек сенімдіміз.
