Мемлекеттік қызметті абыроймен атқару әр қызметкер үшін мәртебелі міндет саналады. Сол арқылы имиджді қалыптастырып, жоғары өрлеудің баспалдағына батыл қадам жасауға болады. Мықты мемлекеттік қызметкер ауданның ғана емес алдымен ата — ананың мақтанышы болып саналатыны айдан анық.Осы орайда, 23 маусым — Мемлекеттік қызметшілер күніне орай, аудан әкімдігінің ішкі саясат бөлімінің бас маманы Әйгерім Төлегенованың ата — аналары Бақыт Төлегенұлы мен Шолпан Үшкемпірқызы Жамбыл облысы әкімінің Алғыс хатымен марапатталды.Мемлекеттік қызметті мінсіз орындап жүрген Әйгерім Бақытқызына берген жоғары тәлім — тәрбиесі үшін берілген марапатты аудан әкімдігінің ішкі саясат бөлімінің басшысы Ұлбике Сәлімова марапат иелерінің шаңырағына арнайы барып, мәртебелі Алғыс хатты тапсырды.Көңілдері қуанышқа, құшағы гүлге толған жанұя облыс басшылығына алғыстарын білдіріп, үмітті ақтаған үлгілі қызды тәрбиелеп отырғандарына мақтанатынын жасырмады.Өзіне берілген тапсырмаларды мүлтіксіз атқарып отырған Әйгерім Төлегеноваға сәттілік тілей отырып, алар асуы алда болсын деген тілегімізді білдіреміз.САРЫСУ АҚПАРАТТЫҚ МЕДИА ОРТАЛЫҒЫ
