Қазақстан Республикасы Үкіметінің 2014 жылғы 5 наурыздағы №181 қаулысымен бекітілген қағидаларына сәйкес, отбасылық және рухани-адамгершілік құндылықтарды насихаттау, жауапты ерлі-зайыптылықтың маңызын тану, ата-аналардың бала тәрбиелеудегі жауапкершілігін арттыру, отбасылық құндылықтарды, кәмілетке толған балаларды еңбекке қабілетсіз және егде жастағы ата-аналарына қамқор болуын дәріптеу, кеңінен насихаттау және қазақстандық отбасының жағымды имиджін қалыптастыру мақсатындағы «Мерейлі отбасы» ұлттық байқауы жыл сайын ұйымдастырылып келеді.![]()
Бүгін ұлттық домбыра мен Астана күніне орай, Орталық алаңда «Мерейлі отбасы -2025» ұлттық конкурсы қорытындысы бойынша ауданаралық байқаудың жеңімпаздары атанған Ержановтар отбасы мен Маженовтер отбасы марапатталды.Аудан әкімі Сәкен Мамытов пен ақын, Жамбыл облысының Құрметті азаматы Маралтай Райымбекұлы екі отбасына марапат пен бағалы сыйлықтарды тапсырды. Аталған отбасылар облыстық кезеңге жолдама алып, ауданымыздың намысын қорғайтын болады.