Тараз қалалық орталық «Әулие ата» мешітінің қыздар секторы қайырымдылық пен жанашырлықты ту етіп, жүрекке жылу сыйлаған игі шара ұйымдастырды. Ізгі ниетпен ұйымдастырылған бұл сапар №4 арнаулы әлеуметтік қызметтер ұсыну орталығындағы балаларға арналды.
Қайырымдылық зиярат барысында бүлдіршіндерге тәттілер мен сыйлықтар таратылып, олардың көңілін көтеруге ерекше көңіл бөлінді. Жан шуағын сыйлаған шарада мешіттің қыздар секторы балалармен емен-жарқын әңгімелесіп, мейірімділік пен қамқорлықтың үлгісін көрсетті.
Мұндай игі істер қоғамдағы имандылықты арттырып, мұқтаж жандарға қолдау көрсету арқылы рухани тәрбиенің маңызын тереңдетеді. Қайырымды жандардың мейірімі – жүрекке нұр, санаға сәуле себері анық.
