Достық үйінде Жамбыл облысы ҚХА Ақсақалдар кеңесінің «Даналық көпірі» атты тұрғындармен интерактивті кездесуі өтті.
Қазақстан халқы Ассамблеясы ХХХІV сессиясының ассамблея құрылымдарының жобаларына қолдау көрсету тапсырмасына сәйкес ұйымдастырылған келелі кездесуге мемлекеттік органдар, азаматтық қоғам және жергілікті БАҚ өкілдері қатысты.
Жиынға модераторлық еткен ақпарат және қоғамдық даму басқармасы басшысының ҚХА бойынша орынбасары Қуаныш Мамашев өзекті әлеуметтік және қоғамдық мәселелерді талқылау, оларды шешу бойынша Ақсақалдар кеңесі, мемлекеттік органдар мен қоғам арасындағы сындарлы диалог арқылы ұсынымдар әзірлеу үшін интерактивті алаң қалыптастырудың маңыздылығына тоқталды. Жиынға облыстық мәслихатының депутаты, Жамбыл облыстық мәслихаты жанындағы ҚХА «Бірлік» депутаттық тобының жетекшісі — Жанат Бастаубаева, «Аманат» партиясынан Жұмахан Танкебаев, Полиция департаменті Киберқылмысқа карсы іс-қимыл басқармасының аға жедел уәкілі полиция майоры — Мұхаммед Қошмағанбетов, «Отбасы банк» облыстық филиалы, кеңес беру орталығының лидер кеңесшісі — Дамир Абдрезов, жұмыспен қамтуды үйлестіру және әлеуметтік бағдарламалар басқармасы «Еңбек мобильдігі орталығы» директоры — Серік Әлібеков, білім басқармасының Техникалық және кәсіптік білімді дамыту орталығы директорының орынбасары – Асима Пернебаева және аймақтық ҚХА Ақсақалдар кеңесінің төраға орынбасары, Абдурахман Зайнутдинов қоғамдық маңызы бар өзекті әлеуметтік мәселелерді талқылап, пікірлерімен және ұсыныстарын ортаға салды.
Билік өкілдерінің, қоғамдық ұйымдар және халықтың қатысуымен диалог алаңы форматында өткен интерактивті кездесуде баяндамашылар онлайн алаяқтық секілді қылмыстың құрбаны болған жағдайда жасау керек әрекеттер, мүмкіндігі шектеулі азаматтарға көрсетілетін көмектер, «Еңбек» ұлттық жобасы аясындағы бағдарламалар, әр отбасының өз баспанасына қол жеткізуіне жағдай жасау, жастардың жұмысқа орналасуына көмектесу, кәсіби бағдар беру, колледждерде тегін оқу мүмкіндігі, әлеуметтік қолдау және инклюзивті білім сұранысқа ие мамандықтарға гранттар қатысты мәселелерді көтеріп, шешу жолдарын ұсынды.
Жиын соңында Қуаныш Абдрахманұлы көтеріліп отырған мәселелер назарға алынып, жүргізілген жұмыстар сараланатын жеткізді.
