видеодан скриншот
https://turkystan.kz/article/264462-15-20-adam-astanada-zappai-tobeleske-qatysqandar-ustaldy
Полиция Астанада түнде болған жанжалға қатысушыларды ұстады, — деп хабарлайды turkystan.kz тілшісі.
Әлеуметтік желіде оқиға орнынан куәгер түсірген видео жарияланды. Кадрлардан түнде полицейлердің қаланың ойын-сауық орындарының бірінің жанында ер адамдарды ұстап жатқанын көруге болады.
Бейнероликтің сипаттамасында: «Бүгін түнде 15-20 мас адамның арасында үлкен жанжал болды, жарақат алғандар да бар»-делінген.
Астана қаласы Полиция департаментінің баспасөз қызметінің хабарлауынша, оқиғаға қатысқандардың барлығы ұсталып, полиция бөлімшесіне жеткізілді.
«Қазіргі уақытта оқиғаның барлық мән-жайын анықтауға бағытталған тексеру жүргізіліп жатыр. Тексеру барысында куәгерлерден жауап алынып, оқиға орнындағы бейнебақылау камераларының жазбалары зерделенуде. Тексеру нәтижесінде қатысушылардың әрекеттеріне құқықтық баға берілетін болады», – деді полиция.
Полиция қоғамдық тәртіпті бұзғаны үшін әкімшілік және қылмыстық жауапкершілік қарастырылғанын еске салады.
Толық нұсқасына гиперсілтеме беруді ұмытпаңыз: https://turkystan.kz/article/264462-15-20-adam-astanada-zappai-tobeleske-qatysqandar-ustaldy
