Бүгін Жаңатас қаласы, Орталық алаңда ауыл шаруашылығы өнімдерінің жәрмеңкесі өтті.![]()
Нарықтағы бағаны бақылап, тұрғындардың тілектерін тыңдау мақсатында аудан әкімі Сәкен Мамытовтың өзі жәрмеңкені аралап, бағаларды көзбен көрді. Жәрмеңке азық-түлік бағасын тұрақтандыру мақсатында ұйымдастырылды. Жәрмеңкеге ауыл шаруашылығы өнімдері шығарылып, өнімдер нарық бағасынан төмен бағада тұрғындарға ұсынылды. Аталмыш жәрмеңкенің ерекшелігі қала мен барлық ауылдық округтерден көкөніс өнімдері мен ауылшаруашылық тауарларды соның ішінде қауын, қарбыз, қызанақ және картоп әкелінді.![]()
Жергілікті тұрғындар төмен бағада ұсынылып отырған жәрмеңкенің халық үшін тиімділігін айтып, ризашылығын білдіруде: -Ауылшаруашылық жәрмеңкесі халық үшін аса тиімді. Әр апта сайын қажетті өнімдерді алу үшін жәрмеңкеге барып, арзан бағада сапалы өнімдерді сатып аламыз. Осындай іске ұйытқы болып отырған аудан басшылығына алғысымызды білдіреміз, — дейді тұрғындар.
Сондай — ақ, жәрмеңкеде «Мектепке жол» республикалық акциясы аясында мектепке қажетті құрал — жабдықтар қолжетімді бағамен сатылды.Cарысу ауданы
