istockphoto.com
https://turkystan.kz/article/266283-aqtauda-19-zastagy-qyz-besinsi-qabattap-qulap-mert-boldy
27 тамызға қараған түні Ақтаудың 27-шағын ауданында қайғылы оқиға болды. Маңғыстау облыстық Полиция департаментінің хабарлауынша, сағат 04:00 шамасында №6 үйдің алдынан 19 жастағы қыздың денесі табылды, деп хабарлайды turkystan.kz.
Куәгерлердің айтуынша, ол тоғыз қабатты үйдің бесінші қабатынан құлап кеткен. Марқұм бұл үйде тұрмаған, сондай-ақ психоневрологиялық диспансерде есепте болғаны анықталды.
Қайғылы жағдай бойынша Қылмыстық кодекстің 105-бабы (Өзiн-өзi өлтіруге дейін жеткізу) бойынша іс қозғалып, тергеу басталды.
Бұл – 27-шағын ауданда биыл тіркелген алғашқы оқиға емес. 29 шілдеде №4 үйдің тұрғыны қоқыс контейнеріне құлап кеткен еді. Кейін оның қаладағы банктердің бірінде жұмыс істейтіні, тұрмыста болғаны және бала тәрбиелеп отырғаны белгілі болды.
Толық нұсқасына гиперсілтеме беруді ұмытпаңыз: https://turkystan.kz/article/266283-aqtauda-19-zastagy-qyz-besinsi-qabattap-qulap-mert-boldy
