«Қазақстан Республикасындағы сайлау туралы» Қазақстан Республикасының Конституциялық Заңының 14-бабының 9) тармақшасына, 45-бабының, 46-бабының 3-тармағына, 113-11-бабының 1-тармағына сәйкес, Талас аудандық аумақтық сайлау комиссиясының 2025 жылғы 13 қазандағы шешімімен Роман Әділет Талғатұлы Талас ауданы, Кеңес ауылдық округінің әкімі болып сайланды.
Роман Әділет Талғатұлы
1992 жылы 29 тамызда Талас ауданы, Қаратау қаласында дүниеге келген.
Білімі – жоғары.
2012 жылы Қаратау гуманитарлық-техникалық колледжін «Ақпараттарды өңдеу мен басқарудың автоматтандырылған жүйелері» мамандығы бойынша,
2015 жылы М.Х. Дулати атындағы Тараз мемлекеттік университетін «инженер» мамандығы бойынша тәмамдаған.
Еңбек жолын 2012 жылы Талас аудандық Қазынашылық басқармасында жастар тәжірибесінің маманы болып бастаған.
2016–2017 жылдары Талас ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімінің жетекші маманы;
2017–2023 жылдары аталған бөлімнің мұрағатшысы;
2020–2023 жылдары бас маманы болып жұмыс істеген.
2023 жылдың 16 қаңтарынан бастап осы уақытқа дейін Талас ауданы әкімі аппаратының ұйымдастыру-инспекторлық бөлімшесінің бас инспекторы қызметін атқарған.
Отбасылы, 1 ұл тәрбиелеуде.
