Айтулы мереке қарсаңында Жамбыл облысының Жамбыл ауданында жаңа архив ғимараты пайдалануға берілді.Аудан орталығында орналасқан мәдени кешеннің ашылуында облыс әкімі Ербол Қарашөкеев жиналған жұртты Республика күнімен құттықтап, жаңа ашылған архив, кітапхана, жастар орталығының атқарар жұмыстарына ерекше тоқталып өтті.
Қала іргесінде орналасқан ауданның тарихы тереңде жатыр.Осы жылдар ішінде қай салада болмасын алдыңғы үштіктен орын алып келе жатқан аудандар қатарында тұрған осы – Жамбыл ауданы.
2002 жылы ашылған Жамбыл ауданының мемлекеттік архиві ауданның мәдени, тарихи мұрасын сақтап, насихаттап келе жатқан іргелі мекеме.
Ашылған күннен бергі уақытта жапсарлас орналасқан, қуықтай үш бөлмелі ғимаратта қиналыспен жұмыс жасап келген мекеменің осы жылдар ішіндегі атқарған жұмыстары бір төбе. Алғашында бір өзі (К.Кулекеева) жарғылық құжат, бір жапырақ бұйрықпен жұмыс бастаған Келсінай Жұмалиқызы осы ғимарат мәселесін ауданға келген әрбір басшының алдына мәселе етіп қоюдан тынбады. Оң шешімін жылдар бойы күткен архив ғимаратының мәселесін, ауданның әр шаруасын жетік білетін аудан басшысы Ерлан Қыдырәліұлы өз ретімен шешіп, халықтың игілігіне ұсынды.
Әрине жаңа ғимарат соғу оңай шаруа емес.Бұл істің басында облыс, аудан басшылығының ұсынысты қолдауының арқасында заманауи архив мекемесі пайдалануға осылай беріліп отыр.
Өңір тарихында аудан көлемінде, аудандық қазынадан бөлінген қаржыға бой көтерген тұңғыш архив ғимараты деп мақтана айтуға болады.
