Жуалы ауданының жалпы өңірлік өнімінің көлемі биылғы жылы 15 717,8 млн. теңгені құрап, былтырғы жылдың сәйкес кезеңімен салыстырғанда 36,2 пайызға артқан. Жалпы бұл өңірдің өнімнің құрылымында өнеркәсіп үлесі 28,5%, ауыл шаруашылығы жалпы шығарылымы 46,9%, құрылыс жұмыстарының көлемі 10,7%, сауда айналымы 13,9%-ды құрайды, – деп хабарлайды «shanyraqinfo.kz» ақпарат агенттігі.
Есепті мерзімде ауыл шаруашылығы өнімінің жалпы шығарымы 7 млрд. 378,0 млн. теңгені құрса (оның ішінде мал шарушылығы өнімі 7 377,0 млн. теңге НКИ 102,4 пайыз, егін шаруашылығы өнімі 0,3 млн. теңге НКИ 96,3 пайыз), (2018 жылдың 6 айында 6 414,0 млн. теңге), нақты көлем индексі 102,4 пайызға жеткен. Бұл бойынша аудан 8-ші орынға тұрақтапты.
– Аудан бойынша ауыл шаруашылығы жерлері 213 152 га, оның ішінде 97 315 га егістік жер, суармалысы 8 708 га, шабындық жерлер мен жайылым жерлер 112 580 гектар. Көктемгі дала жұмыстары бойынша 63 835 гектар алқапқа ауыл шаруашылығы дақылдарын отырғызу жоспарланып, масақты дәнді дақылдар 37 050 гектарға себілген (оның ішінде күздік бидай 11 020 га, жаздық арпа 25 730 га, дәндік жүгері 300 га). 660 гектар көкөніс және бақша дақылдары болса, майлы дақылдар 20 820 гектарды құрайды(оның ішінде 920 га күнбағыс, 19 820 га мақсары, 80 га қытай бұршағы). 2 500 га картоп , 145 га қант қызылшасы егілсе, қалған 2 660 га мал азығына қажетті өскен, – дейді аудан әкімі Нарбай Ергебеков.
Осы жылдың өнімі үшін егін егу жұмыстары бойынша жаздық арпа 25 890 га (101%), майлы дақылдар 20 845 га (100,1%), Картоп 2 520 га ( 100,8%), көкөніс 650 га (100%), дәндік жүгері 303 га (101%), қант қызылшасы 102 га (70%), мал азығы 2670 га (100,4%) егілген. Қазір кейбір егін түрлері бойынша жиын-терім науқаны қызу жүруде екен.
Индикативті жоспарға сәйкес, Қант қызылшасы дақылы толық орындалмапты. Бүгінгі күнге егілгені 102 га болса, орындалғаны – 70 пайыз.
Мал шаруашылығы бойынша жылдың 1 шілдесінде мүйізді ірі қара 47 113 бас (2018 жылы 44 992 бас), қой-ешкі 263 901 бас (2018 жылы 254 607 бас), жылқы 12 771 бас (2018 жылы 12 163 бас), шошқа 641 бас (2018 жылы 855 бас), құстар 132 554 бас (2018 жылы 131 242 бас). Мал басы 2018 жылдың тиісті кезеңімен салыстырғанда мүйізді ірі қара 4,7 пайызға, қой мен ешкі 3,6 пайызға, жылқы 5,0 пайызға, құстар 1,0 пайызға артып отыр.
Мал өнімдері бойынша ет өндіру тірі салмақпен 6 231,0 тн. (2018 жылы 6 098,0 тн.), сүт өндіру 20 041,0 тн. (2018 жылы 19 403,0 тн.), жұмыртқа 1 936,3 мың дана (2018 жылы 1 915,9 мың дана) өнім алып, 2018 жылдың осы кезеңімен салыстырғанда ет өнімі 2,2 пайызға, сүт өнімі 3,3 пайызға, жұмыртқа 1,1 пайызға пайызға артқан.
